Sunday, August 9, 2009
မန္တလေးမြို့နေ ဦးစဝ်ခွန်ဦး + ဒေါ်နွယ်နွယ်အေး၊ သမီးငယ် မပြည့်ဝတီဦး မိသားစု
သံဃာတော်များ ရေမိုးသန့်စင်ရာတွင် အသုံးပြုရန် ဆပ်ပြာ ၅၅၀ ခဲ လာရောက်လှူဒါန်းစဉ်
သံဃာတော်တွေ ဆပ်ပြာလိုအပ်ကြောင်း သိရှိရတဲ့အတွက် ကွန်ပျူတာ တက္ကသိုလ်မှ ဆရာမ ဒေါ်မာလာသင်း (အောက်ပုံ)က မနေ့က ဆပ်ပြာမွှေး အခဲ ၃၀ လာရောက်လှူဒါန်းသွားပါတယ်။ ပရဟိတ ကွန်ပျူတာ သင်တန်းမှာလဲ ပညာဒါန လာရောက် သင်ကြားပေးမယ်လို့ ဆရာမက စေတနာထက်သန်စွာ ပြောပါတယ်။
ဆရာမ ဆပ်ပြာခဲများ လာရောက်လှူဒါန်းပြီး နောက်တစ်ရက်မှာ မန္တလေးမြို့နေ ဦးစဝ်ခွန်ဦး+ ဒေါ်နွယ်နွယ်အေး ဇနီးမောင်နှံဟာ သမီးငယ် မပြည့်ဝတီဦးနဲ့အတူ ဆပ်ပြာမွှေးမျိုးစုံ ၅၅၀ ကို သယ်ဆောင်ပြီး ရောက်ရှိလာပါတယ်။ ဒါကြောင့် နက်ဖြန် သံဃာတော်တွေကို အပါးစေ့ ဆပ်ပြာမွှေး ဆက်ကပ်လှူဒါန်းနိုင်သွားပါပြီ။ သံဃာအပါးရေထက် ပိုတာ အနည်းငယ် ရှိခဲ့ရင် သီလရှင် ဆရာလေးများကို ဆက်ကပ်လှူဒါန်းသွားပါမယ်။
နက်ဖြန်အရုဏ် မုန့်ဟင်းခါးဆွမ်းကို ရုရှားဖက်ဒရေးရှင်းရောက် ပညာသင် ကျောင်းသားများ ဖြစ်တဲ့ မောင်ကျော်စိုးသူ၊ မောင်ပြည့်စုံအောင် (ဖိုးသား) http://www.apymt.com/, http://www.pnth.org/ နဲ့ အလှတရား http://ahlataya.blogspot.com/ တို့က လှူဒါန်းမှာ ဖြစ်ပါတယ်။ အရုဏ်ဆွမ်းနဲ့ လိုအပ်တဲ့ လှူဖွယ်ပစ္စည်းများ အဖို့ငှာ အလှူငွေ ကျပ်တစ်သိန်းတစ်သောင်းကို ဦးဇင်းထံ ပေးပို့ လှူဒါန်းထားပါတယ်။
ဦးစဝ်ခွန်ဦးမိသားစု အလှူ ဆပ်ပြာများနှင့် မမေသူခိုင် လှူဒါန်းသည့် ဗလာစာအုပ်များ
စင်ကာပူက မမေသူခိုင်က စင်ကာပူဒေါ်လာ ၁၀၀ မှ ဖြစ်သော ဗလာစာအုပ်များကို သံဃာသာမဏေများအား လှူဒါန်းတာကို နက်ဖြန် ဆွမ်းနဲ့အတူ ဆက်ကပ်လောင်းလှူပါမယ်။
နက်ဖြန် ဆွမ်းခံကြွ သံဃာများကို မုန့်ဟင်းခါး အရုဏ်ဆွမ်း ကပ်လှူပြီး နေ့ဆွမ်းအဖြစ် သပိတ်ထဲကို ဆွမ်းနဲ့ ဝက်သား+အာလူးဆီပြန်ဟင်း ကပ်ပါမယ်။ ဟင်းရံက မုန်ညင်းကြော်နဲ့ ငါးဖောင်ရိုး ငရုတ်သီးကြော် ဖြစ်ပါတယ်။ နေ့ဆွမ်းက ကိုရန်အောင်၊ မဝါဝါခိုင်မင်း၊ ရွာသားလေးဝိုင်တီယူတို့ ဦးစီးကောက်ခံပေးတဲ့ နိုင်ငံတကာရောက် မြန်မာများရဲ့ ကုသိုလ်ပါ။
Subscribe to:
Post Comments
(Atom)
0 comments:
Post a Comment