Sunday, September 20, 2009
သံဃာတော်တစ်ပါး ဆွမ်းခံယူစဉ် 
ကြက်သားကြာဆံချက် ဘုဉ်းပေးနေသည့် ကိုရင်လေးများ
အရုဏ်ဆွမ်း ဘုဉ်းပေးနေသော ကိုယ်တော်များနှင့် စောင့်ဆိုင်းနေသော သာမဏေများ
ကိုရင်လေးတစ်ပါးကို လှူဒါန်းနေသော စာရေးဆရာ ရွှေလမ်းငွေလမ်း ဝင်းကြည်
အရုဏ်ဆွမ်း - ကြက်သားကြာဆံချက်
ဆရာတော် ဦးလောကနာထ
နေ့ဆွမ်း (ဆွမ်းထမင်း)
ကိုဖြိုး+ကိုထက် (ရွှေအိမ်ဖြူ တယ်လီဖုန်းရောင်းဝယ်ရေး)
ဆွမ်းဟင်း (ငါးမြစ်ချင်းခရမ်းချဉ်သီးချက်)
ဆရာတော်ဦးလောကနာထ
ဆီ
ဒေါ်ချို (ဒေါ်ချို ကုန်မျိုးစုံရောင်းဝယ်ရေး၊ ရွှေဘိုမြို့)
အမေရိကား အယ်ဆိုဘရန်တီမြို့၊ အလိုတော်ပြည့်ကျောင်းဆရာတော် ဦးလောကနာထက စက်တင်ဘာ ၁၆ ရက်၊ ဗုဒ္ဒဟူးနေ့မှာ သံဃာတော်များကို အရုဏ်ဆွမ်း နေ့ဆွမ်း ဆက်ကပ်ပါတယ်။ အရုဏ်ဆွမ်းက အပြောင်းအလဲအဖြစ် ကြက်သားကြာဆံချက် ဖြစ်ပြီး နေ့ဆွမ်းက ငါးမြစ်ချင်း ခရမ်းချဉ်သီးချက်ပါ။ နေ့ဆွမ်းထမင်းကို ရွှေအိမ်ဖြူ တယ်လီဖုန်းရောင်းဝယ်ရေးက ဒကာ ကိုဖြိုးနဲ့ ကိုထက်က လှူဒါန်းပါတယ်။ ရွှေဘိုမြို့က ဒကာမကြီး ဒေါ်ချိုက ဆွမ်းဟင်းချက်ရာမှာ မရှိမဖြစ် လိုအပ်တဲ့ ဆီကို ပင်တိုင် တာဝန်ယူ လှူဒါန်းပါတယ်။
ဆရာတော်က အရုဏ်ဆွမ်းကို ဆွမ်းထမင်းနဲ့ သက်သတ်လွတ် တို့ဟူးသုတ် ကပ်ဖို့ မူလ စီစဉ်တယ်။ ဝေယျာဝစ္စ ကုသိုလ်ရှင်များအတွက်က မုန့်ဟင်းခါး, အုန်းနို့ခေါက်ဆွဲ, ကြာဆံချက်တွေက စီမံရတာရော တစ်ပွဲပြီးတစ်ပွဲ အမြန်ဆက်ကပ်ရတာရော လွယ်ကူလို့ ညှိနှိုင်းဆွေးနွေးပြီး၊ လုပ်အားပေးသူများအတွက် ပိုလွယ်ကူအဆင်ပြေမယ့် ဆွမ်းမယ်လဲ ဖြစ်, အပြောင်းအလဲလဲ ဖြစ်တဲ့ ကြာဆံချက်ကို ရွေးလိုက်တာပါ။ မကွေးမြို့က စာရေးဆရာ ရွှေလမ်းငွေလမ်း (ဦး)ဝင်းကြည်က ဆရာတော်ဘုရားရဲ့ အလှူမှာ ကိုယ်တိုင် ဆက်ကပ် လောင်းလှူ ပေးပါတယ်။
အရုဏ်ဆွမ်းကို သံဃာ အပါး ၃၀၀ ကျော် ကြွရောက်ဘုဉ်းပေးတယ်။ နေ့ဆွမ်းက သံဃာ အပါး ၅၀၀ နီးပါး ခံယူကြပါတယ်။ ခါတိုင်း ဝက်သားနဲ့ အာလူး ဒါမှမဟုတ် ဝက်သားနဲ့ ရွှေဖရုံသီး စသဖြင့် အသီးအနှံ တစ်မျိုးမျိုး ရောပြီး နေ့ဆွမ်း လောင်းနေကျ ဖြစ်ပေမယ့် ခုအလှူမှာ အပြောင်းအလဲအဖြစ် ငါးမြစ်ချင်းကို ခရမ်းချဉ်သီးနဲ့ ဆီပြန်ချက် ဆက်ကပ်ပါတယ်။
Subscribe to:
Post Comments
(Atom)
0 comments:
Post a Comment