၁၂.၁၂.၂၀၀၉ ခုနှစ်၊ မြန်မာသက္ကရာဇ် ၁၃၇၁ ခုနှစ် နတ်တော် လပြည့်ကျော် ၁၁ ရက်နေ့ ... နံနက် ၁၀ နာရီ အချိန် သာသနာ့ဝေပုလ္လကျောင်းတိုက်တွင် သြ၀ါဒဆရာတော်ကြီးများအား နေ့ဆွမ်းကပ်လှူပါမည်။နံနက် ၁၁ နာရီတွင် မြရတနာသို့ ကားများဖြင့် ဆရာတော်ကြီးများအားပင့်ဆောင်ပြီး ထိုရွာတွင် ရေစက်ချ အခမ်းအနားဆောင်ရွက်ပါမည်။

ညနေ ၆း၃၀ နာရီအချိန်တွင် သီတဂူကမ္ဘာ့ဗုဒ္ဓတက္ကသိုလ်မှ အရှင်ဉာဏ၀ရ ၏ တရားပွဲအစီအစဉ် ဖြစ်ပါသည်။

၁၃.၁၂.၂၀၀၉ ခုနှစ်၊ မြန်မာသက္ကရာဇ် ၁၃၇၁ ခုနှစ် နတ်တော် လပြည့်ကျော် ၁၂ ရက်နေ့ ... နံနက်(၈)နာရီတွင် စာရေးဆရာများ၏ စာပေဟောပြောပွဲအစီအစဉ်ကိုကျင်းပပြီး ညနေ(၄)နာရီအချိန်တွင် ရွာလုံးကျွတ် စတုဒီသာကျွေးမွေးပွဲ အစီအစဉ်ဖြင့် ဒါနကုသိုလ်များ ပြုလုပ်ကြမည် ဖြစ်ပါသည်။

၁၄.၁၂.၂၀၀၉ ခုနှစ်၊ မြန်မာသက္ကရာဇ် ၁၃၇၁ ခုနှစ် နတ်တော် လပြည့်ကျော် ၁၃ ရက်နေ့ ... စစ်ကိုင်းဆွမ်းလောင်းအသင်း၏ ဆွမ်းလောင်းပွဲအစီအစဉ်တွင် အလှူရှင်တစ်ဦးမှ သံဃာအပါးစေ့ ဆပ်ပြာခဲနှင့်ဘလိပ်ဓား လောင်းလှူမည်ဖြစ်ပြီး မေတ္တာရှင်ရွှေပြည်သာ ဆရာတော် ဦးဇ၀န မှ မေတ္တာရှင်ဖောင်ဒေးရှင်းအတွက် နံနက် ရန်ကုန်မြို့မှ လေယဉ်ဖြင့်ပြန်လည် ကြွရောက်လာပြီး သြ၀ါဒကထာအား ချီးမြင့်မည်ဖြစ်ပါကြောင်း ဓမ္မမိတ်ဆွေ သူတော်စင် အပေါင်းတို့ကို ကုသိုလ်ရရှိစေရန် အကျိုးငှာ သတင်းကောင်း ပေးအပ်ပါသည်။