Saturday, January 30, 2010
သာသနာသက္ကရာဇ် ၂၅၅၃ ခုနှစ် တပို့တွဲ လပြည့်ကျော် ၁ ရက်၊ ၃၀-၁-၂၀၁၀ စနေနေ့
အရုဏ်ဆွမ်း+နေ့ဆွမ်း အလှူရှင် (Mr. Lewis's birthday donation)
Mr. Lewis+ မွှေး (စင်ကာပူ)
အရုဏ်ဆွမ်း - မုန့်ဟင်းခါး
နေ့ဆွမ်း - ဘဲဥချဉ်ဟင်း၊ အစိမ်းကြော်၊ ပဲနီသုတ်၊ ငါးပိ+ငရုတ်သီးကြော်၊ ဆွမ်းထမင်း
ဝေယျာဝစ္စဒါန
-ဦးဓမ္မာနန္ဒ (မင်္ဂလာသာစည်ကျောင်း)၊ ဦးအာဒိစ္စ (ဖျာပုံကျောင်း)
-ဆရာကြီး ဒေါ်စန္ဒသီင်္ဂီ (သိဒ္ဓိမော်ချောင်)၊ ဒေါ်စရဏမဉ္စရီ (သိပ္ပမဉ္စရီချောင်)၊ အောင်မြေမင်္ဂလာချောင်မှ သီလရှင် ဆရာကြီးဆရာလေး ငါးပါး
-မဇင်မာငြိမ်း၊ ဇင်မာထွေး
မနေ့က လပြည့်နေ့မို့ ပံ့သကူသား အဆင်မပြေတာကြောင့် ဘဲဥချဉ်ဟင်းနဲ့ အစိမ်းကြော် ဆက်ကပ်ပါတယ်။ အရုဏ်ဆွမ်း မုန့်ဟင်းခါးကို သံဃာ၊ သာမဏေများ အဝ ဘုဉ်းပေးသုံးဆောင်စေပြီး နေ့ဆွမ်း ကပ်လှူပါတယ်။ အပြင်မှာ ဆွမ်းလောင်းခိုက် အထဲမှာလဲ အရုဏ် ဘုဉ်းမပေးရသေးတဲ့ သံဃာတွေ ဆက်လက် သုံးဆောင်နေပါတယ်။
အခုလို ကြားရက်မှာ ဆွမ်းလောင်းတာကို သိနိုင်ဖို့ ကျောင်းအရှေ့တွင် ဒေါ်နန်းသန္တာအောင် လှူဒါန်းထားသော မီးစလောင်းကြီးအား ဆွမ်းလောင်းသည့်နေ့မှာ ထွန်းထားပါတယ်။ မီးစလောင်းကြီး ထွန်းထားတာ မြင်ရင် ဒီနေ့ ဆွမ်းလောင်းရှိကြောင်း သံဃာများ လှမ်းမြင်သိရှိပြီး ဆွမ်းခံ ကြွလာကြပါတယ်။ တနင်္လာနေ့တိုင်း ဆွမ်းဝတ်ရှိမှန်း သိကြပေမယ့် ကြားရက်မှာ အလှူရှင် ရှိရင် သံဃာများ သိရှိနိုင်ရန် ဖြစ်ပါတယ်။
ပဲနီပြားကို ဒီတစ်ရက် အပြောင်းအလဲအဖြစ် အသုတ် စီမံပါတယ်။ သံဃာတို့အကြိုက် ငါးပိငရုတ်သီးကြော်လဲ တစ်ခွက် ဆက်ကပ်ရပါတယ်။ သံဃာတန်းကတော့ ထုံးစံအတိုင်း ရှည်လျားပါတယ်။ ဒါပေမယ့် ကိုရင်လေးတွေ ကလေးဘာဝ သပိတ်လေးတွေ ပိုက်ရင်း တိုးတာခွေ့တာမှတစ်ပါး သံဃာတော်တွေပီပီ စိတ်ရှည်ရှည် ဆွမ်းရပ်ခံယူတော်မူကြပါတယ်။
မနေ့က သြဝါဒပါတိမောက်နေ့၊ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ကို ဧတဒဂ် ချီးမြှောက်ပြီး လက်ဝဲရံ လက်ယာရံ အဂ္ဂသာဝက ထားတော်မူတဲ့နေ့ ဖြစ်တဲ့အတွက် သာသနာတော်အတွက် အထူးအရေးပါခဲ့တဲ့ တပို့တွဲလပြည့်နေ့ပြီး နောက်တစ်ရက်မှာ သံဃာများကို ဆွမ်းဦး ကပ်လှူရတာ အလွန် ဝမ်းမြောက်စရာ ကောင်းလှပါတယ်။
Subscribe to:
Post Comments
(Atom)
0 comments:
Post a Comment